აკრძალვა მოქმედებს მცხეთა-სტეფანწმინდა – ლარსის საერთაშორისო გზის გუდაური-კობის მონაკვეთზე
საქართველოს საავტომობილო გზების დეპარტამენტის ცნობით, მაღალი ზვავსაშიშროების გამო, რუსეთთან საქართველოს საზღვრის მიმართულებით ყველა სახის ავტოტრანსპორტის მოძრაობა აკრძალულია.
აკრძალვა მოქმედებს მცხეთა-სტეფანწმინდა-ლარსის საერთაშორისო გზის გუდაური-კობის მონაკვეთზე.
რამდენიმე დღის განმავლობაში, ადგილზე მოძრაობა პერიოდულად იკეტებოდა მძიმე სატვირთო მანქანებისთვის.
განუწყვეტელი თოვის გამო, მოძრაობა ხორციელდება მხოლოდ ზვავდამცავი გვირაბების გავლით პოლიციელების ზედამხედველობით და კოორდინაციით.
მცხეთა-სტეფანწმინდა-ლარსის საავტომობილო გზა, ე.წ. საქართველოს სამხედრო გზა, ამჟამად საქართველოსა და სომხეთის რუსეთთან დამაკავშირებელი ერთადერთი სახმელეთო გზაა. ხოლო CCI “ყაზბეგი” – “ზემო ლარსი” ერთადერთი საგუშაგოა, რომელიც დღეს საქართველოსა და რუსეთის სახმელეთო საზღვარზე ფუნქციონირებს.
