მისივე თქმით, ელჩმა მას უთხრა, რომ ქართველი მოსამართლეების მიმართ არა სანქციები, არამედ სავიზო შეზღუდვა დაწესდა და ეს მხოლოდ თარგმანის პრობლემაა.
“დამატებითი ინფორმაცია არ მიმიღია იმ მიზეზებთან დაკავშირებით, რამაც ეს გამოიწვია. მართალია, ჩვენ ვსაუბრობთ მხოლოდ სავიზო შეზღუდვებზე, მაგრამ აბსოლუტურად მიუღებელია საქართველოს მოქალაქეებზე თავდასხმა, მათი კორუმპირებულ მოსამართლეებად მარკირებით. პარტნიორები ასე არ იქცევიან”, – განაცხადა პაპუაშვილმა.
მიუხედავად ამისა, არაერთი ქართველი ექსპერტის აზრით, შესაძლებელია, სანქციების მიზანი საქართველოში ძალაუფლების შეცვლაა. კერძოდ, სანქციებმა შეიძლება დაარწმუნოს ევროკავშირი, რომ საქართველოს არ მიანიჭოს კანდიდატის სტატუსი, რაც შეიძლება გახდეს პროტესტის ფორმალური მიზეზი და ხელისუფლების შემდგომი გადადგომა.
