20 ივნისის აქცია

„აი, ამ მართლა ცხოველების ჯგროს, „სირცხვილია“ რომ ჰქვია და „თბილისი პრაიდი“ რომ ჰქვია, დიდი ხანია იქ დადგმულ ჯვარზე აქვს სერიოზული პრეტენზია. ჯვარზე მაგათ რაც თქვეს, რომ მოსახსნელია…

მანდ რომ ვინმე მაგ ჯვარს შეეხოს ჩვენ ცალსახად ვაფიქსირებთ, რომ – ფეხზე მკიდია თქვენი ევროპული მომავალიც და ყველაფერი – მერე ჩვენ უკვე გამოვალთ და ჩვენ გაგცემთ პასუხს მაგ სიწმინდის შეურაცხყოფისთვის.

ეგ არის ჩვენთვის პრინციპული პოზიცია. ყველამ იცის, რომ ეგრე მოვიქცევით, ყველამ იცის, რომ მანდ სხვა ვარიანტი არ არის და არ განვიხილავთ. შეიძლება ეგ იყოს პროვოკაცია და კეთილი ინებოს პოლიციამ და დაიცვას ეგ“, – განაცხადა მახარაძემ.

პარლამენტის წინ ჯვარი თითქმის ერთი წლის წინ, 2021 წელის 5 ივლისს, ჰომოფობიური ჯგუფის წევრებმა აღმართეს. მომდევნო დღეს ზურაბ მახარაძე ევროკავშირის დროშა ჩამოხსნა და დაწვა.

მოძრაობა „სირცხვილიას“ ორგანიზებით აქცია „შინ ევროპისკენ“ 20 ივნისს, 20:00 საათზე, საქართველოს პარლამენტის შენობის წინ გაიმართება. აქციას ოპოზიციური პოლიტიკური პარტიების დიდი ნაწილიც უერთდება. ორგანიზატორების ინფორმაციით, აქციაზე შეკრებილ მოქალაქეებს სიტყვით მიმართავენ სამოქალაქო საზოგადოების, უკრაინის ხელისუფლებისა და ევროკავშირის წარმომადგენლები. 21:00 საათზე, აქციის მონაწილეები მსვლელობით გაემართებიან ევროპის მოედნისკენ, სადაც ღონისძიების დასკვნითი ნაწილი გაიმართება.

„ევროკავშირის პასუხის მოლოდინში, შევიკრიბებით პარლამენტის წინ და ვაჩვენებთ მსოფლიოს ქართველი ხალხის ერთგულებას ევროპული არჩევანისა და დასავლური ღირებულებებისადმი“, – აცხადებს მოძრაობა „სირცხვილია“.

გუშინ, 17 მაისს, ევროკომისიამ ევროკავშირში გაწევრიანების შესახებ საქართველოს განაცხადზე დასკვნა/მოსაზრება წარმოადგინა. კომისიამ საქართველოს რეკომენდაცია არ გაუწია კანდიდატის სტატუსის მინიჭებაზე და მიიჩნია, რომ ამ ეტაპზე მხოლოდ ევროკავშირის წევრობის პერსპექტივა უნდა მიეცეს, რაც იმას ნიშნავს, რომ კანდიდატის სტატუსი მისაღებად მთელი რიგი პირობების შესრულება იქნება საჭირო. ევროკომისიის მოსაზრების გათვალისწინებით, საკითხზე საბოლოო გადაწყვეტილებას ევროპული საბჭო, 23-24 ივნისს მიიღებს.