ზამთარში რთულმა კლიმატურმა პირობებმა და ინტენსიურმა გაწმენდითმა სამუშაოებმა თბილისი-სენაკი-ლესელიძის ავტომაგისტრალის რიკოთის უღელტეხილის მონაკვეთზე გზის ზედაპირი დააზიანა.
სატრანსპორტო საშუალებების უსაფრთხო გადაადგილების უზრუნველყოფის მიზნით, დაზიანებულ გზაზე სარემონტო სამუშაოები დღეს უკვე დაწყებულია.
უახლოეს დღეებში, პირველ ეტაპზე, 8:00-დან 19:00 საათამდე გზის დაზიანებულ მონაკვეთებზე დროებითი რემონტი განხორციელდება.
გზის ძირითადი რემონტი დაიგეგმება, როდესაც შესაბამისი კლიმატური პირობები გამოჩნდება.
