საქართველოს პრეზიდენტმა სალომე ზურაბიშვილმა განაცხადა, რომ კონფლიქტის წლისთავთან დაკავშირებით გამართულ ღონისძიებებში მონაწილეობის მისაღებად უკრაინაში წასვლა სურდა, თუმცა არ მიიწვიეს.
“ამ წლის განმავლობაში, ხალხის სახელით, ჩემი სახელით, როგორც ამ ქვეყნის პრეზიდენტი, სადაც ეს შესაძლებელი იყო და ნებისმიერ ფორმატში, უკრაინისადმი საქართველოს ურყევი მხარდაჭერა გამოვთქვი და ეს გაგრძელდება”, – განაცხადა ზურაბიშვილმა პრეზიდენტის რეზიდენციაში კონფლიქტის წლისთავთან დაკავშირებით გამართულ მიღებაზე.
მან აღნიშნა, რომ უკრაინაში დროულად წასვლის მზადყოფნა გამოთქვა, თუმცა იქიდან მოწვევა არ მიუღია.
