ქუთაისის აეროპორტიდან ბერლინის მიმართულებით Wizz Air-ის რეისი 87 მგზავრის გარეშე დარჩა. რეისი დილის 6 საათზე იყო დაგეგმილი.
მგზავრების ინფორმაციით, თბილისიდან ქუთაისის აეროპორტამდე ავტობუსი გზაზე დიდთოვლობის გამო გამოწვეული პრობლემების გამო შეფერხდა, ამიტომ მგზავრები დანიშნულ დროს აეროპორტში ვერ მივიდნენ.
ერთ-ერთი მგზავრის თქმით, მიუხედავად იმისა, რომ მგზავრები აეროპორტში 5:39 საათზე მივიდნენ, გამგზავრება კი 6:15 საათზე იყო დაგეგმილი, რეგისტრაცია დაიხურა და, შესაბამისად, თვითმფრინავი გვიან მგზავრების გარეშე დარჩა.
რატომ არ მისცეს დაკავებულ მგზავრებს ბერლინში გაფრენის შესაძლებლობა, Wizz Air ამ ეტაპზე ამ საკითხზე კომენტარს არ აკეთებს.
